ຍອດຈອງເຂົ້າທ່ອງທ່ຽວພະຈົນໄພ ຖ້ຳ ເຊີນດ່ອງ ຂ້າມຮອດປີ 2025
ຖ້ຳ ເຊີນດ່ອງ ຫວຽດນາມ.
ວິທະຍຸກະຈາຍສຽງຫວຽດນາມ ລາຍງານໃນທ້າຍເດືອນ ທັນວາ 2023 ຜ່ານມາ, ໂດຍອີງຕາມບໍລິສັດ Oxalis, ໄດ້ຄົ້ນພົບ
ແຫຼ່ງທ່ອງທ່ຽວຖ້ຳ ເຊີນດ່ອງ ໃຫຍ່ທີ່ສຸດໃນໂລກ ໄດ້ເປີດເຜີຍໃຫ້ຮູ້ວ່າ: ເຖິງວ່າຍັງບໍ່ທັນໝົດປີ 2023, ແຕ່ປີ້ເຂົ້າທ່ອງທ່ຽວດັ່ງກ່າວ
ໄດ້ຖືກຈອງຈົນໝົດຮອດປີ 2024 ແລ້ວ.
ເພື່ອເຂົ້າຮ່ວມການທ່ອງທ່ຽວ, ນັກທ່ອງທ່ຽວຢູ່ພາຍໃນ ແລະ ສາກົນ 200 ຄົນ ໄດ້ຈອງປີ້ໄປທ່ອງທ່ຽວຖ້ຳເຊີນດ່ອງຈົນຮອດ
ປີ 2025. ການທ່ອງທ່ຽວຢູ່ຖ້ຳ ເຊີນດ່ອງ ໄດ້ຮັບການຕີລາຄາວ່າ: ສະຖານທີ່ດັ່ງກ່າວແມ່ນໜຶ່ງໃນບັນດາສະຖານທີ່ທ່ອງທ່ຽວພະຈົນ
ໄພ ທີ່ດຶງດູດໃຈແຂກມາທ່ອງທ່ຽວພາຍໃນຫວຽດນາມ.
ໃນການຄົ້ນຫານີ້, ແຂກທ່ອງທ່ຽວໄດ້ຮັບຊົມພູຜາປ່າດົງແຫ່ງຕ່າງໆ, ພ້ອມກັບຄວາມອຸດົມສົມບູນ, ມີຊີວະນາໆພັນທີ່ມີຫຼາຍ
ຮູບຫຼາຍແບບຢູ່ໃນຖ້ຳ; ຢ້ຽມຢາມ ບ້ານດ່ອງ ຊາວຊົນເຜົ່າ ບຣຸ ເວິນກຽວ. ການທ່ອງທ່ຽວແມ່ນແກ່ຍາວເປັນເວລາ 6 ວັນ, 5 ຄືນ
ແລະ ແຕ່ລະຈຸການທ່ອງທ່ຽວມີແຂກ 10 ຄົນ ແລະ ມີຜູ້ຮັບໃຊ້ປະມານ 30 ຄົນ, ໃນນັ້ນ ລວມທັງຜູ້ຮັກສາຄວາມປອດໄພພາຍ
ໃນຖ້ຳ, ຜູ້ນຳທ່ຽວ ແລະ ພໍ່ຄົວ.
ແຫຼ່ງທີ່ມາ: ໜັງສືພິມກອງທັບ
ວັນທີ 09/01/2024